آه ياابن بلدي
سافر بره من سنين
ورمى على باب بلده الحنين
لما سألنا عليه
قال عال
وبنى برج من الخيال
وكل ماأسأله سؤال
فى ردوده ألف احتمال
سيطه سمع بين الرجال
وانه بين البلاد رحال
لاكان لامهنة ولا مال
لكنه فى الغربه سنين طوال
شغل الشباب والكل مال
وتم بينهم الإتصال
طمني ياابن بلدي
أيه الأحوال
الحال عندي عال العال
رغبتي أكون معاك شغال
انا فى انتظارك
على الراس تنشال
جهز أوراقه فى الحال
واستلف كل الأموال
وراح وقابله وبينهم دلال
وقاله بكرة يروق الحال
راح سلمو لأحد الرجال
وقاله ما تسألش سؤال
بعد المهنة بقى شيال
وأخد منه كل الأموال
قالو بحافظ من النشال
انا عندي خزنة ومال سيال
نصب عليه وطلع محتال
أصل البعيد شغال مرسال
لايملك شغله ولا مال
دور عليه فى كل مجال
عرف انه ماشي كده رحال
سلم جوازة للكفيل
وقبض عليه وسافر فى الحال
وكانوا فاكرينه راجل أعمال
ولما طلبه على الجوال
غير رقمه أوام فى الحال
آه ياابن بلدي
تخون العيش والملح ياخال
وتسرق مني الأموال
وطلعت نصاب محتال
والحلم صبح بعيد المنال
(((أسامه جديانه)))
ليست هناك تعليقات:
إرسال تعليق