فين حظي (296)
......................
فين حظي فيكي يا دنيا
ما خلاص قفلتي الدار
بدلتي فرحي في ثانيه
لدموع ندم ومرار
دبلت ورودي في أيدك
لا سلمت من تهديدك
بكيتي ليه في قلوبنا
والشوك هدايا في عيدك
حقناني مصل عذاب
حرماني حضن أحباب
لاغيه وجودنا وتوهنا
أوراق في بحر غياب
هديتي جسر أمانا
سددنا دين بدموعنا
زودتي تاني همومنا
وكتاب حياتي سراب
إحساسي بيكي إختفى
وفقدت معنى الدفا
لا دواء يفيد فى الشفا
ورضاكي نور كداب
قالولي أهرب فارق
أهرب وأروح على فين
ما الدنيا هي الدنيا
والغربه ويلها ويلين
والبخت عارف صاحبه
متوصي بيه قيراطين
من بعد ساده لخدم
والأيد ساجنها الدين
نظرات لحس إتردم
وكلام بارود من العين
ما الصبر عني إتحجب
باقي عمري ضلمه
في ليل ..
قالوا أيه يفيدني الندم
وطريقي عكس السير
لا صونت نعمه
في أيديك
ولا شوفت يوم مسكين
وغرور رسمني أناني
ولا دق باب لحزين
كل اللي ليا فقدته
وغرقت في عيون مين
بقلم .. صبري رسلان
ليست هناك تعليقات:
إرسال تعليق