قصيدتى أجدادنا علم ونشيد
أجدادنا دول كانوا عباقره
عاشووا حياتهم بالفطره
احب أسمع حكاياتهم النادره
اللى كلها حكم وعبر ودروس
عاشوا البساطه تحت الشجرة
وكانت ليهم طبليه وغموس
وحواديت كلها عِبر وناقوس
ونصايحهم اغلى من الفلوس
ومعانى المحبة تشرح القلوب
اجدادنا دول خلوا الأرض خضره
وشقيوا فيها م الشروق للغروب
ومن أدان الفجر يسحبوا البقرة
تدور فى الأرض وعرقهم حليب
أجدادنا دول كانوا عباقره
والدين فى دمهم طاقة وقوه
فى عز الالم كانوا دكاترة
ودوا الشقيان فى دمهم نخوة
ميعرفش المرض ولنفسه طبيب
أجدادنا دول كانوا عمالقه
شربوا الصبر وتحملوا المحن
الصمود فيهم شجره شاهقه
يحلف بشجاعتهم الزمن
تاريخهم فى الحق عنيد
إيمانهم فى الشريان والوريد
وعزتهم كفاح مهما كان التمن
تاريخ أجدادنا علم ونشيد
د/ حسن الشوان / مصر
ليست هناك تعليقات:
إرسال تعليق