ليلى
يا ليلى بالورد أحييكي
بالحب أدفيكي وبقلبي
وعيوني على طول العمر
أحميكي
يا ليلى سكنتي عقلي ووجداني
سكنتي قلبي وكياني وخيالي
والعيشة من غيرك ملهاش شكل
ولا صوت ولا معنى
يا ليلى فاكره الحب والحنين
اللي بينا وإحنا صغيرين لحد
ما كبرنا فاكره السهر ويا القمر
تحت الشجر كل مكان قعدنا
فيه يا حبيبتي لسه فاكرنا
يا ليلى يا بريئة مثل براءة
الأطفال قلبك لا يعرف حقد
ولا غش وحبك صافي زي
فجر النهار
يا ليلى أنتي الخلاص وأنا
المتيم بحبك بكل ما في من
شوق وحرمان ومعنى
يا ليلى حلي القيود وخلينا
نعيش نعيم الدنيا لحظه بلحظه
يا ليلى أنا قيس مازال حب قلبي
يناديكي
وإن اتفنت الدنيا عمر حبي ما يفنيكي
يا ليلى سعدي وهنايا بقربك جنبي
وسبب تعاستي وشقايا بعدك يا حبيبتي
عني
يا ليلى في الخلد هلاقيكي فارد
أحضاني فرحان ومسرور ومشتاق
من زمان لنظر منك وإليكي
طلعت نعاس الفرجاني
ليست هناك تعليقات:
إرسال تعليق