صورة بلادي مرسومة
هزّي قلبك يا تحفونة
أنا في بلادي محبوبة
حبّي راهو بلاشي ملام
هزّت الموجة محوني
دلّلني الورد وجفونه
هذا عطري من أحلام
عاشقة أنا موجودة
يسكنّي البحر ودلاله
والشّمس تضحك قدّامي
السّماء قبتها ألوان
ريحة الزهر وفنونه
هزّ عرش القلب أعوام
سارحة في البحر مهمومة
ضاع الهمّ في بروره
وغنّى لي طير الحمام
طرْبت نفسي يا دلّولة
سمعت البلبل فوق غصونه
نظرة العينين أوهام
واهمة والله موجوعة
زاد الشّوق وجنونه
والفرقة صارت غيام
نرجع لبلادي المحبوبة
ونبيع العطر ووروده
ونحضن أمّي والحمام
صورة بلادي مرسومة
ولعبي وزهوي في الحومه
والمحبّة كانت سلام
ضاع الودّ والتّبسيمة
والدمعة هاجت يا ميمه
وتكسّر الغصن كيف الأحلام
تنوّر الشّجرة محسونة
وعمّ الخير في دروبه
وبلادي رفعت الأعلام
هذي المحبّة موصوفة
خلطة سحر وعروشه
وتحطّم الكره القدّام
تذبل الزّهرة المفقودة
آه من الغربة سلبت روحه
وحكات عليها الأفلام
نحبّ بلادي والحومة
وجيراني وأهلي وجموعه
وتوحّشت طير الحمام
بلادي قطعة من روحي
رسّام رسمها في لوحه
وعبّر عنها الشّاعر بالأقلام
الموجة تحكي للموجة
والبحر يقلب محونه
والرّملة ترجّع الأحلام
هذي بلادي يا محسونة
في قلبي عروشها مزروعه
ما ينزعها رياح وذمام
تثمر الشّجرة المغروسة
أولادها سقاوها في غوره
وعاشت بلادي أعوام
حميدة بن ساسي
ليست هناك تعليقات:
إرسال تعليق