((( الخيانه )))
يالى خيانتك فى الضلمه
بكره يكشفها النور
ولماتنفذ جريمتك
تصبح زى الأرض البور
وتبقى الخسه والنداله
أصل وعلامه
لحد ماتقوم القيامه
يالى بايع بلدك
وقابض تمن الخيانه
لدرجه ديا وصلت بك الإستهانه
تستقوى على ناس ضعيفه وغلبانه
ليه تنفذ للعدو مخططه وتصدق كلامه
وتموت أخوانك وتزود أحزانهم
لعبت دورالرخيص فى قضيه خسرانه
ورضيت تبقى وجه أحمق للعماله
عمال تخرب فى بلدك
وأنت عايش فيها عاله
عميل وفاقد مبادئه وألتزامه
غطى نفسه بالمظاهر والتدين
وخلى لباس الكذب شانه
عقله مبقاش يميز بين عدوه وبين حبيبه
أنسان مغيب عن ماضيه وعن حضارته
وكاره للوطن ترابه
ملك نفسه للى أستغله
دمر حياته أشتراه وذله
واللى زيه كتير وغاروا
قادرين عليهم مهما كتروا
مهما خربوا وقتلوا
وأحنا وراهم لحد مانقطع أيديهم ويتشلوا
وهيجى اليوم اللى يخيبوا فيه خيبه قويه
ويتكسروا على حصون بلدنا القويه
ياولاد بلدنا يارجاله
عرفوا كل حقير مقامه
ولبسوه سرجه ولجامه
وأقطعوا لسانه
معادش ينفع الطيابه
ولا دبلوماسيه وخطابه
أضربه فى قلب داره
وأقلع بابه ودمر سور دواره
عشان يحس بكآبه
ويعرف مين الأسود
ومين هما التعالب والديابه
أنتهى زمن الطيابه
كلمات/محمودصلاح السيد
30/12/2017
ليست هناك تعليقات:
إرسال تعليق