ماشي الحال ،،،، بقلم الشاعر/محفوظ البراموني

ماشي الحال  ..

أحلى جملة ..

أرد  بيها ..

ع  أي حد ..

يسألني مالك ؟؟

أقوله  ..

ماشي الحال  ..

تنفع تتقال  ..

ل كل المجال ..

تمشي فرحان ..

و    ..

تمشي زعلان ..

تمشي مبسوط ..

و    ..

تمشي مخبوط ..

و الكل ماشي ع الراس محطوط ..

الفرح .. الزعل ب  الإنبساط مخلوط ..

بقيت  ..

أسمع  صدى   سكوتي ..

بعد    ..

ما سكن   فيه    صوتي ..

سكت الصوت يوماتي ..

مين      اللي يسمعني ؟؟

مين      اللي يفهمني  ؟؟

أنا ف غيبوبة دوختني  ..

دورتني  ..  وقعتني ..

شردتني  ..  سقطتني ..

غيرتني   ..  سجنتني ..

هلكتني   ..  دمرتني ..

أعلى  صوت بقا فيا صوت السكوت ..

الصرخة بقت فيا    صراخ المكبوت  ..

حفلة الكلام منتهية ..

السكوت أجمل هدية ..

راحة البال ف الصمت ..

كتر الكلام   ف  الكبت ..

اللسان خلص الكلام ..

و  ع    الدنيا السلام ..

تمشى ف اى حتى تلاقى الظلام ..

و البشر هما اللي طفوا النور و الوئام ..

طيب ما كانت منورة ..

ب ريحة الورد مزهرة ..

ليه بقى حرب و ليالي مدمرة ..

ليه بقى بؤس و مجاري ملطخة ..

ماكانت الدنيا  ب روعة الأنهار ..

لازم تخربوها ب وساخة الدمار ..

بعد ما تخربت عايزين 100  عام يا شطار ..

تنظفوها من الزبالة و تبقى منورة بشمس النهار ..

معقولة خلاص  بقت أعوامنا هي الفانية   المخبولة ..

أنا  دايما  هقول ماشى الحال  ف الدنيا المشلولة ..

هذيان قلم :
: محفوظ البراموني :