. رحلة قدر
مبارح عالصبح بكير و بعد الفطور
حسيت هيك بنشاط غريب إجاني
طلعت قاصد صيد حجل وطيور
بحذر إتلفت الدنيا رواء وصفناني
مافيها إلا صوت نغم كام عصفور
وبساعة راسي صار يلف و يعاني
لمحت لمعة مثل المراية أو ضي منظور
صوبت ع الهدف وفضل من ربي نهاني
قلت إتحقق ارضي فضولي معذور
كومة غصان بتهتز و كأنها خيفانة/ي
قربت إتعرف الهدف مذهول و مذعور
لمحت شيء مثل عيون بتلمع غزلاني
كانت صبية تبكي خوف وقلب مقهور
كلها ترتجف كأنها تايهة أو هربانة/ي
مديت لها يدي بحذر بدون قصور
قلت تعالي لا تخافي مني أمانة/ي
اللي منع سلاحي عنك ربي الغفور
أرسلني تا احميك و قدم إلك إعانة/ي
بعد الحذر صرت بذراعيها مغمور
خطفت روحي مني لا تصير هيمانة/ي
رافقتها ع درب بيتنا بفرح وسرور
قدمت الزاد قلت أكيد بتكون جوعاني
بعد ما أكلت ثلاثة لقمات بالزور
غمضت ع الهدا جفون كانت ذبلانة/ي
قمت صلي لله و إتعهد بدفع النذور
للعذرا تحميها و ترجع نفسها هديانة/ي
فوحت للبركة عطور من البخور
بشكر الله يللي من نعمته عطاني
لمّا صحيت ظهر بوجها شعاع النور
كلها أنوثة وجمال مليانة حب و حناني
شربنا القهوة و الميّ معطرة بزهور
تبسمت قالت أنا الك إن بدك ياني
..غانم ع الخوري ..
ليست هناك تعليقات:
إرسال تعليق