انا شايفك
طالع فى العالى
وحاسس أنك نجم
فى السما بيلالى
وغلبت أحايل فيك
كنت مفكرك شارى
وعايز ترفعنى معاك
فى العالى
لقتنى تاية ومش شايف قدامى
وعمال أفكر فى حالى
أزاى خدعت روحى
أنى عندك غالى
وأنت اللى
فى حياتى حتبقالى
كنت كل مأقولك بحبك
تقولى قولها تانى
سمعهالى كتير أو غنهالى
انا عارفه انك فتى أحلامى
جاى علشان تسعد أوقاتى
قولى
كنت بتسمعنى كتير
لما أقولك أشعارى
وأوصفك ورده فى بستانى
وأقولك انت النجم
للى نور حياتى
زى مايكون أسمك
أنكتب معايا فى ميلادى
أزاى بعدك أعيش
وقلبى حيبقى خالى
اه من بعدك
ومن نظرة حسادى
لما يشفونى أتغير حالى
والدموع فى العيون محصرانى
وبقيت فى الحياة وحدانى
عايش من غير قلب
ومخاصم أحلامى
بعد ماكان حبك
ساكن فى وجدانى
بقيت جرح فى قلبى
صح ألامى
وخلانى إنسان بشكل تانى
جايه تتأسفى
وتقولى أنسانى
انا مش قصدى
أجرحك وأفكرك تانى
أعتبرنى زكرى
حلوة عدت ومش
هارجع تانى
صحيح طلعت أنانى
مش فكرت فى حالى
فكرت أزاى تكون عليه جانى
كلمات الشاعر/طارق جلال الحسينى
ليست هناك تعليقات:
إرسال تعليق