عالتوته والساقيه ----كلمات السفير الدكتورالشاعر احمد جابر سويلم
عالتوته والساقيه
كان الكلام معسول
قلوبنا فى الحكى صافيه
والليل معاها يطول
والغنوه مالقلوب طالعه
تبنى مالحكاوى قصور
عالتوته والساقيه
كان الكلام معسول
لاعرفنا طعم الخوف
ولاعشنا لحظة كسوف
احلامنا كانت هنا
والسعد لينا يطوف
لف ودار الزمن
والاه سبقت كمان الخوف
وفى لحظة جانا القدر
خطف الفرح مننا
مابقينا حتى نشوف
عالتوته والساقيه
كان الكلام معسول
طيرى اللى هاجر واختفى
صحى دموع الخوف
ياضحكة فينك مش لاقيكى
ياحلم تاه عنى واختفى
ياليل ظلامك ماانتهى
انا ليه اسلم وانجرح
انا ليه ماادور عالفرح
ياشمس اصحى
البدر شقشف نورى
يازهر فتح وابتسم
يانحل غنى واترسم
عالتوته والساقيه
كان الكلام معسول
ليست هناك تعليقات:
إرسال تعليق