أنا
***
لا لا مش أنا
مش هو ده كان أنا
أنا اللي كان برئ
مش اللي باع صديق
وخان حبايبه لا
أنا اللي كان بيدي
مش مستني ردود
أنا اللي كان بيهدي
ضحكه مش دمع خدود
أنا شموع مضويه
مش ضلمه وظلم الغير
أنا دروع قويه
تحمي دروب الخير
أنا العاشق صبابه
والهايم في الليالي
مش البادر عذابه
في قلوب أغلى الغوالي
أنا شمس تدفي قلوب
ونسمايه في عصاري
لحظة صدق الغروب
ودار الكل داري
أنا مين وأيه غيرني
وليه أتغير حالي
جوايا بيكسرني
وتايهه راحة بالي
لو بيا زماني يعود
لزمان زمان عشناه
راح أقول للشخص
التاني لا وألف لا
سبني بتوبي القديم
من فات قديمه تاه
سيب لي قلبي الرحيم
ع الفطرة يقول غناه
آه وألف آه
هو اللي راح بيعود
يا عذاب قلبي وشقاه
م الندم حزين بيموت
ع اللي اتظلموا وياه
ومين بس اللي قال
اللي انكسر بتصلح
والحال هو الحال
والقلب ياما اتجرح
عشت وحيد رحال
وغربتي كانت مذبح
امتى بس يا بال
تسمع حاجه تفرح
ولا اللي مال مال
ملوش في بُكره مطرح
آه وألف آه
ياريت أعود أنا
زي ماكنت أنا
الشاعر السيد حسن....
ليست هناك تعليقات:
إرسال تعليق