رغم الطيابةوالتواضع فينا...
عارفين قبلة كل حد ودينه
رغم الشقاء والعية
ورغم المتاعب والحياة الردية
عارفين معدنهم اخباث النية
وصنف النذالة ما ايثر فينا
صعيبين ع الانذال والدونية .
ولاحد يزايد بشيء علينا
وحتى انفوتوُ في مواقف سية ..
من كرمنا هاذي عوايد لينا..
وافي مع لاجواد والبيتية
في قلوبنا مانحملوش ضغينة
واللي اخطي لابد يشيل خطية .
والدين يخلص مايضل رهينة
ولانخاف ملي يعبدوا المالية
لاالمال لا تفشيكهم يعنينا
سخي قسمنا والنفس بيه رضية
وعشنا القناعة وربنا كافينا
والرزق ماهو من العباد عطية
بيد الكريم الله مايخلينا
تحياتي للجميع امين بيت العافية
حقوق النشر محفوظة
ليست هناك تعليقات:
إرسال تعليق