رمضان وأهل الحتة ــــــــــ كلماتى علاء محمود

 

رمضان وأهل الحتة

أهل الحتة وأحلى أيام....

حب وأُلفة طول العام...

المليان بيراعى الفاضى...

ولا فَرّقهم مرة خصام....

......

الأطباق شغالة تدور...

عند الأرضى لأخر دور...

ولا كان حقد بيدخل بنا...

جوه بيوتنا فرحة ونور...

.....

أحلى جيران عشنا وسطيهم...

كان الغالى بيطلع ليهم...

كان إخلاص مش حب مصالح....

كانت الضحكة بتكمل بيهم...

.....

وفى رمضان اللمة تزيد...

يوم الرؤية لحد العيد...

علق زينة ويّا فانوس...

رشُ كنافة يا عم سعيد...

.....

كنا نصلى كتف ف كتف....

فرحة وبركة علينا تلف...

والقرآن صوته يدُوبنا...

واللى ف قلبه عّلة يخف...

.....

أصل ف مصر تشوف رمضان...

غير ما تشوفه ف أى مكان...

فرح و وبهجة ويّا خشوع...

والإنسان بيكون إنسان...

كلماتى علاء محمود