(أنا والحياة)
أنا والحياة عايشين سوا
قصة غرام قصة هوى
بس المهم أسمع لها
معصاشى ابدأ أمرها
أحسن تغير رأيها
ولاأشوفشى غيرى أحقد عليه
أحسن تديرلى ظهرها
يكفينى أنى أضرب لها
وأقرأ وأبين كفها
ومقولشى عمرى فى حقها
الا اللى يشرح صدرها
أحسن يجف بحرها
وتقطع حبل ودها
وحلو الساعات تبدله
وأشرب سنين من مرها
وتلال الحب تهدها
وتبنى جبال من كرهها
و أضيع انا وسط الزحام
من غدرها من ظلمها
دى سنين وسنين بتجرى
والأيد أبدا ما تجنى
إلا المكتوب لها
طب ليه هنعصى أمرها
مش أحسن نمشى جنبها
مع الحياة مش عكسها
بقلمي. : احمد عيسى
ليست هناك تعليقات:
إرسال تعليق