( إزرع خير )
واوعي الصحه يابن الناس
تفتري بيها يوم ع الناس
واوعي تآمن يوم لخسيس
دايماً سعره هيبقي رخيص
وإوعي تآمن لأبو وشين
ضحكة وشه بتبقي اتنين
وعمره ماگان للسر أمين
سهل يبيعك عشان قرشين
الوش بيضحك والقلب حقود
وجواه شر ماله حدود
واوعي الدنيا تلعب بيك.
عمرها ابداً ما هتدوم ليك
واوعي تآمن تقسي عليك
لو ليك صاحب إوعي تخونه
ودايماً سره في قلبك صونه
واوعي تخون العيش والملح
وقلبك دايماً خليه سمح
واوعاك تبخل علي انسان.
كان فضله عليك يوم م الايام
وادعي لربك انت وهو
ونقي قلبك دايماً من جوه
واطلب منه تعيش مستور
وخلي العدل يبقي طريقك
ويكون دايماً ليك دستور
وأرضي بحالك واحمد ربك
واوعي تكون شيطان مأجور
أفرح واضحك قد ماتقدر.
ولحق احبابك اوعي تقصر
ودايماً رزقك يبقي حلال
وما يكون همك جمع المال
قول الحق.ماتخاف من ظالم
واوعي تكون علي رزقك ناقم
وانصف دايماً المظلوم
واوعي تعيش يوم مهموم
سلم لله دايماً امرك
واوعاك تطلب غير من ربك
هتفضل مستور طول عمرك
خواطر ( أشرف الدغيدي )
حقوق الملكية محفوظه
ليست هناك تعليقات:
إرسال تعليق