............ لسعة الأشواك .........
الحياه مش أكل وشرب ومتاع
ولعب طاولة أو ماتش كوره
وتلقا نفسك عايش في الضياع
ده لو انت صحيت يوم بدري
وتراجع مواقفك والواقع قدامك
كنت خدت بالك من العمر بيجرى
وتنتبة بقي للي فاضل من ايامك
لأن العمر واحد مالوش وشين
والألوان مذاق حسب الأذواق
وإللي راح منك ايام و سنين
نسيت الحقيقة وعشتها بنفاق
حدفتك الدنيا شمال ويمين
وبقيت ستاره في الشباك
لغاية ما نسيت انت مين
ولا مره الشمس طالت هواك
بتشوفها بس لكن محستهاش
والدنيا زهزهت قدامك ولهياك
وقفلت فيك ابواب الإحساس
وعمرك ما فكرت في اللي جواك
ولا حسيت مره بلسعة الأشواك
ومعانيك تايهه هنا وهناك
ولما أتكسرت المرايا في وشك
وقد ايه كانت عايشه معاك
لقيت حقيقة شكلك ونفسك
فى واقع حقيقتك راح ببلاش
____________________________
.............حسن الشوان 
...........
...........
ليست هناك تعليقات:
إرسال تعليق