الناس مظاهر
الناس مظاهر فيه اللي مكنون
في الصدور وفيه اللى ظاهر
وقبل ما تحكم على شيء اعرف
مخبره قبل مظهره وحاذر
وخلي بالك من اللي يقابلك
بالاحضان وهو بالشر لك ضامر
حلو اللسان شين الخصال سىيء
المخبر لكن بالحب يتظاهر
وفيه فقير لكن عزيز النفس
عفيف اليد وقلبه بالرضا عامر
وفي غني مهما اغتنى لابيشبع
ولا بيقنع ولا حامد ولا شاكر
واياك في يوم تنساب أو
تصاحب محدث النعمة وتعاشر
لما بتناسب اعرف انك بتختار
اخوال وجدود لاولادك حاذر
حلو الجمال لكن الاجمل الطبع
بنت الاصول احلى وتتعاشر
الطبع غلاب عمره في يوم مايتغير
اياك تخدع نفسك وتغامر
ضحك الوشوش مش معناه فرح
ربك وحده بالنفوس خابر
وحط نفسك مكان الناس قبل
الحكم عليهم لاجل تكون عاذر
دنيا غرورة الناس فيها بتتلون
فيها الجميع بيمثل ويتظاهر
شاعر العامية / عبد المنعم حمدي رضوان
ليست هناك تعليقات:
إرسال تعليق