هقول تاني من الأول ،،، للشاعر / فهمي علي

هاقول تانى من الاول
بعادك نار بتكوينى
بعادك جرح بات نازف
و سارق عمرى و سنينى
و عدتينى يومين و ارجع
فقلت الصبر يا عينى
مسحت الدمع بكفوفى
و انا خايف لتنسينى
باعد ثوانى ف غيابك
و على بابك و باستنى
امنى مشاعرى برجوعك
و اقول جايبالى ميت جنة
سمعت البعد بيقسى
و بيغير  حاجات بينا
و بردو سمعت عن غربة
بتسرق احلا شئ منا
لكنى بجد مش شايف
غير انى فى الغرام .. انتى
و قلبى سايبنى و مهاجر
و روحى تكون منين كنتى
و طيفك سارى جوايا
لا هان لحظة .. و لا هونتى
حبيبتى .. و اعرفى انى
باصونك .. زى ما صونتى
#فهمى_على