فاسدون
دولة عمي أمين
جزء رابع
عمي أمين فاكر مش ناسي
كلمة عمه الحاج شماسي
لو جاتك فرصه أمسك فيها
أوعه حد يشاركك فيها
دوس على كل إللي عايز يبني
يوم ما ح يبني أنت ح تمشي
مش ح تكون أنت قاعد فيها
عمي أمين قال يا هنيه
خدي بالك بقه فيه حاجه تانيه
الفرافير بقه ليه أنياب
واحد فيهم بقه كداب
صدق ناس بتقول أنا فهمه
كدب عمه أمين على الباب
أناخايف يعدي الفرافير
تكدب على عمها أمين
دولة عمي أمين يا هنيه
دولة فرافير مش عتقيه
هاتي مبيد حشري يا هنيه
رشي الفرافير من الصبحيه
حضري كم ندوه وكم دوره
عايز أدي فيها محاضره
ترجع فرافيري على الفطره
غير اللى أنا شايف ماتشفشي
غير اللى أنا قول مابتسمعشي
شعر
على ابو السعود
ليست هناك تعليقات:
إرسال تعليق