ـــــــــــــــ وتـلاقـي ذاتـك ـــــــــــــــ
إوعى تشكي ويعلى صوتك أو هتافك
فوق كتافك شيل حمولك فوق كتافك
وإن لقيت الإيد قصـيره .. بيع لحافك
والتجائك .. للسـمـا .. تبقى التحافك
إوعى تحلم بالغموس وارضى بكفافك
إمشي واشحت لقمتك .. وانساه عفافك
إسـفافاتك .. شيئ أسـاسي .. لإخفقاتك
إختلافك .. في المواقـع .. إختلافك
وإئتلافـك .. ويا حـزنك .. وارتجــافك
فيه نجاتك .. عيشت تحلم .. وبنجاتك
إرهصاتك .. ضايعه قطعا .. من حياتك
أمنياتك .. شيئ في قايمة .. ممنوعاتك
إلهامـاتك .. غـير مـتـاحه .. لإبدعـاتك
إنجزاتك .. مش بتاعتك .. زي ذاتك
قطر فاتك .. قطر جاي .. جايب وفاتك
وانت واقـف ع المحـطه .. بحساباتك
فين ثباتك .. معدتك .. هـدت ثبـاتك
وجنحاتك .. لسه خايفه .. من سكاتك
لسه روحك .. عاشقه ضلمة .. أمسياتك
والنـهار اللي اتـولد مـن .. تخـميناتك
لساه جنين جوا الرحم مسجون أهاتك
عايز يمد خيوط دفاه على إحباطاتك
يمكن مشاعرك تنتفض على هلوساتك
يمكن تشد الحيل .. وترمـي عكازاتك
وتهد سـجن الخوف وتعـزف دندناتك
وتلم أسراب الطـيور .. عـلى ألحـناتك
وتعود تدور دفــتك .. وتطيب حلاتك
وتلاقي روحـك منتشي ، وتلاقي ذاتك
........... ........ ......... ........ ............
بقلمي الفلاح الفصيح / معوض حلمي
منشأة بطاش .. تمي الأمديد .. دقهليه
ليست هناك تعليقات:
إرسال تعليق