عيد الأضحى
.....................................
جبنا الخروف وجينا
صلوا على نبينا
علوا صوت التكبيرات
وخلي الناس تهنينا
عيد الأضحى علينا هل
والفرح بورودو طل
يارب تدوم الأفراح
وتملا الدنيا ورد وفل
................
هاتوا القهوة والفنجان
وخلي الفرحة علينا تبان
كل عام وأمتنا بخير
والأهل وكل الأوطان
وبالمسجد صلاة العيد
تكبير ل الله وتمجيد
وصدقة عطيها للمحتاج
خلي الفرحة دوم تزيد
...................
يارب علينا بينعاد
وبتفرح كل العباد
ويعم بوطنا الخير
وبترجع كل الأمجاد
وسوريا الحبيبة تضل
شمس بتشرق فوق الكل
ويزهر عنا ورد الشام
وما يبقى للحزن محل
........................................
ملك محمود الأصفر
ليست هناك تعليقات:
إرسال تعليق