من رباعيات صلاح منير
1.
لا تسأل الأنسان ايه مذهبه أو دينــه
ولا توزنه في يــوم بشكله أو لــونه
ربك خلقنا وهو العالم بسر الخلـــق
يكفي الأنسان حمله التقيل وهمومه
وعجبي
2.
لا تشمت ف موت أنسان أو مصيبة تحل بيه
حتي لو شفت عدوك الأمراض تصارع فيــه
أصل الشماتــه شيمت قلــب مريـــض أســود
خــلي قلبك نقــي وأتقـي الله كل الرضــا تلقيه
وعجبي
3.
بيرم يا تونسي لو كنت عايش
وشفت معانا عجايب المعـايش
لكتبت فيها دواوين كتير تعايب
ودرت تضرب في الناس بقايش
وعجبي
4.
يا رأسمالية يا متوحشة بالأسى
دايسة علينا بغل من غير خشى
ما خدنا حاجة من نظام العولمة
غير ضين وفقر بياكل في الحشى
وعجبي
5.
قلنا الأشتراكية يعني كفاية وعدل
كفاية في الأنتاج تتقسم علينا بعدل
ماتت الأشــتراكية بموت الزعــيم
والظلم حــل ياولــداه مكان العــدل
وعجبي
صلاح منير
مصر
ليست هناك تعليقات:
إرسال تعليق