(وآه منك ياحب آه )
ليه عايزه يعذب فينا
ويرجع يتقل تاني علينا
ويزيد في دلاله تاني ويغيب
واحنا ياقلبي ملناش غيره
في الدنيا ديا تاني حبيب
ده احنا في بعده ياما قاسينا
لما إفتكرنا إنه ناسينا
وبكينا في غيابه وشوفنا الويل
عيشنا ليالي كتيره بنبكي
قلق وحيره ومنه بنشكي
وياما عُزالنا باتت تحكي
خف ياقلبي شويه عليه
ومادام رجع تاني لينا
وقلبه رق وحن علينا
وبوعده خلاص ح يهنينا
نرجع نزعل منه ليه
ونغير تاني ونقسي عليه
اهدا ياقلبي شويه في غيرتك
وبلاش ترجع تاني لحيرتك
مادام في عنيه ماشوفنا قسيه
وحبيبنا راجع بالحنيه
واحنا مالينا غيره في الدنيا
هو في القلب مالي مكانه
وكفايه علينا ياقلبي حنانه
خلينا عايشين وياه في أمان
سحر عيونه ياما حيرنا
وشوفنا الحب والهوي في عنيه
ونسينا معاه كل احزانا
وسِهرنا معاه طول الليل
وحقق لينا كل احلامنا
من بعد غياب ورانا الويل
اتارى في الحب ياقلبي عذاب
مكتوب علينا وعلي الأحباب
ومين يهرب من المكتوب
وعن الحب منه يتوب
مهما الحب جانا وسَهَّرنا
وكوانا الشوق تاني وغلِّبنا
كفايه يحن شويه علينا
ونعيش حياتنا في دنيا جميله
وآه منك ياحب آه
بتخلي القمر بدر في سماه
وتدينا الأمل نشوف اللي بنهواه
وتزود حبنا وفرحتنا بالحياه
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق