( مسحراتي )
مسحراتي يدق الهون
للى صاحي واللى قاعد
واللى ساهر صايم عن النوم
يا طير ياللى طاير في السما
ومزقزق محندق بأقول لك
رمضان كريم
منقراتي مطبلاتي
للحاكم الذاتي
والمحكوم بالويل
رمضان كريم
واللى باني عشهَ
على النيل ماعليه لوم
واللى مركبه ماشى
وبيصيد رزق يومه
بهد الحيل ونايم في عِشَّة
رمضان كريم
ادق الباب وبرجع ما طاطى
ولا مثلي بيطاطي
وبشد كمى وجلبيتى وجلبابي
من تحت باطى
رمضان كريم
وبحب المصنوع
بايدين ولادي
وولاد بلدى
ولو من المطاطي
يا كل الصنايعية والمجبورين
على لقمة العيش ومتاخدين
رمضان كريم
يا مسافرين ومزارعين
الصحرا بتعمر وتتخضر
على ايديكم الدفاينين بالخير
رمضان كريم
يا كل أحبابي وكل أصحابي
وناسى واللي ليا
واللي سامعين
واللى ساكتين وراضين
واللى مش ساكتين
رمضان كريم
وحياتك أنت أنا ما ناسي
رقتك وزفتك على العيد
وكلكم موجودين
رمضان كريم
........................
معروف صلاح احمد
شاعر الفردوس ، القاهرة ،مصر.
ليست هناك تعليقات:
إرسال تعليق