.......... ايوه فاكرها ...........
ايوه فاكرها وبتمنى رجوعها
لسه طعم لقمتها في ريقي
وكل ثانيه قلبى بيسمعها
وضحكتها في عز أوجاعها
بلسم بتهوون عليا طريقي
ومنديلها اللي شرب دموعها
ما بيفارقش قلبي وصديقي
لسه عطر ريحتها ف أحضانى
كنت أتمنى فى كبرها أشيلها
ولا أعيش من غيرها وحدانى
وتعيش جوه عيونى واراعيها
ماكنتش أتخيل الورد يودعها
ودبلت كل زهووور أغصانى
ساكنه جوايا لغايه ما أجيلها
عايش ع طول فى ذكراها
وبتمني ترجع تاني والقاها
وفى أى مكان أرووح أقابلها
وأسمع تاني وتالت دعاها
وغلاوتها بتزيد من بعد رحيلها
و عمر الزرعه ما تغير معانيها
جدوور الأصالة فى أصوولها
والسجاده ف كل أذان تناديها
............................................
........... حسن الشوان ............
ليست هناك تعليقات:
إرسال تعليق