آهات وصرخات
الشاعر السيد حسن.....4
السجن مش قضبان وقيود وسجان
السجن في عرف الإنسانية والزمان
إنك تعيش مابين السما والارض
*************
دوخيني يا لمونه.................... دوخيني
اعتبريني طور في ساقيه وغمي عيني
وعلى كيفك شيليني .........وحطميني
واما تخلصي لعب بدميتك قطعيني
**************
دبلان يا ورد الجناين ومين بس يسقيك
عطشان هزيل والجنايني مش سائل فيك
تقلب له ألوان شبه ألوان .............الموت
في الآخر برضه تغابى وقام داس عليك
**************
يا شمس غابت وسابت بردي أكل عضمي
والكل أصبح عسير إلا اليسير .....هضمي
لو يعلا صوتي بكلمة لا في وش الظلم
يدبحني سيف الجبان أو ينهرس عضمي
***********،***
يا وتر التناغم مين يوصلك............. للعود
كل الأوتار موجودة إلا أنت............ مفقود
أوتار عامله ضجيج وصراخ على الفاضي
أما أنت إن عدت الروح من مماتها تعود
*************
قوت قوتي نزعوه من بقي ومحتاجاه جتتي
كلام في غنوتي شنقوه على بُقي ورموه في سكتي
سلام في دُنيتي زفوه برقي وعدوه بشمعتي
يا سلام يا ستي لو تفهمي قصدي هتحلو دنيتي
**************
زي ما الشمس في غروب وشروق برضه أحلامنا
وزي ما في رقبة الصبح طوق برضه آمالنا
وزي ما فيه عاشق ومعشوق برضه أيامنا
وطول ما جوه القلب مشنوق الحق على عيدانا
هيفضل كده يا ناس حال الدنيا وحالنا
**************
لساك شباب
مهما شعرك شاب
قلبك أبيض
وأعز الأحباب
*******
وما حياتي سوى. ذكريات
أحيا عليها بشئ من الآهات
ظننت يوما أني نسيتها
لكنها باقية معي إلى الممات
**********
في دمي. تسري
وفي عيوني نظري
كل شيء هى
ذكراها كل أمري
**************
هى لؤلؤٌ منثور تشرق كالأنوار
تضئ عتمة الخدود كضوء النهار
دموعك يا غاليتي غيم الأيام
وزهور يفوح عبقها لتورق الأزهار
***********
ليست هناك تعليقات:
إرسال تعليق