........... الحقيقة مره ............
ح تعيش طول عمرك مخطوف
وانت باصم بالعشرة
ماتجيش تقولى إعمل معروف
حذرتك بدل المره مئات الألوف
وكلمتك مليون مره
وخليتك تسمع وبعينك تشوف
وشرحتلك الخروج عن المألوف
مهما طال له آخره
ولا أعلم الغيب ولكن الظروف
لها نفس ماضى أصله مكشوف
مطابق للى بيجرى
ح تعيش طول عمرك مخطوف
ولا ليك أى لازمه
وفى لحظه لا يكون لك حروف
ولا حتى أى بصمه
طالما كمشان وعايش ف خسوف
مش ح يبقالك حفره
وإيه ح تساوى وجواك الخوووف
ومحروم من النسمه
ح تدفع التمن فووق الموصووف
لأن دايما الحقيقة مره
..........................................
............. حسن الشوان ...........
ليست هناك تعليقات:
إرسال تعليق