حكايات الحب
غنوه للشاعر
السيد الشهاوى
حكايات الحب سمعناها وعشقناها
نهرب منها ساعات
وساعات تلقانا كده دابيين فيها
تفرحنا ونضحك وياها
وساعات تبكي ونبكي عليها
وحكايتي معاك والله حكايه
بتحيرني لو اسرح فيها
مش بس العشاق جرحوها
اصحابنا ياما قالوا عليها
قالوا عنك دايما تتغير
وغرامك حاجه كده تحير
واللي يشوفك لازم يسهر
وىادوب أنا في الحب
صغير
$$$$$$$
ويسالوني اوصف حبي
واوصف هوايا وشوقي اليك
وانت اللي طيفك هنا جنبي
أقرب من رمشك لعنيك
ويخوفوني الناس منك
ماعرفش ليه الناس ظلموك
ويغرسوا الشك في حبك
ويقولوا كل الناس عشقوك
وانت القمر فوق في سماهم اتت القمر مين يحلم بيك
وأنا كل املي ياحبيبي بس المس لو مره ايديك
*$$$$$$$
والليله لقيتك هنا جنبي
ناسي مكانك فوق في العالي
بتنور ليلي أنا لوحدي
وجت الدنيا معاك ضحكالي
نستني وجودي نسيت عمري
ومن غير جناح
لقتني باطير
فوق السحاب
فوق احلامي
وابعد كمان من كده
بكتير
حتي الزمان وياك بالقاه
في ثواني بيمر
ويجري
والقي الربيع اللي اتمناه
قبل الأوان جاي من بدري
السيد الشهاوى
ليست هناك تعليقات:
إرسال تعليق