..........… أيام الغربه ............
مهما طالت ايام الغربه
عمرها ما كانت حلوه
لياليها مريره وصعبه
والعمر يمر علي سهوه
وفجأة تبقا في التربه
لا ليك آمر ولا دعوة
مهما طالت ايام الغربه
حلاوتها كلها مره
و حنينها ليك قسوة
وإمبارح يشبه بكرة
محروم م روح العزوة
وانت عايش بره
او وقت تسمع غنوة
ليها جواك رنه وذكره
كانت زمان منها ثروة
وف بلدي مش لاقي رتبه
مهما طالت ايام الغربه
مفيش ذيها مليون مره
قاعدة المسطبه والكنبه
وروح الكلمه مع القمره
وروح الواجب والمحبه
وروحانيات ليله سهره
لما تكون لها مناسبه
وتتحرم من حنين الأسرة
وقلوب الطفوله والصحبه
وذكريات ليالي المذاكرة
___________________________
.......... حسن الشوان ................
ليست هناك تعليقات:
إرسال تعليق