............بعيونك جوز بواريد ........
بعيونك جوز بواريد وبيت النار معمر
ورمشك بارع بالتسديد بيضرب صايب ع اﻷسمر
..... .........
طلقة وحدة بتكفي تصيبي هالقلب وترميه
رمياتك كﻻ تحفه بدقة الهدف بتصيبيه
وتشعل بالقلب اللهفة ومافي غيرك بيطفيه
بشفة وحدة من الشفة بيهمد ويدوخ ويسكر
.......... .........
ياويلي من هالعينين مابيرموا غير ع الصايب
الله خالقهن حلوين وفيهن حط العجايب
مكتوب بسفر التكوين تنين خلقنا حبايب
من غير طوائف اودين فينا هالكون بيعمر
.........
بقلمي
الشاعر عيسى وسوف باظة
ليست هناك تعليقات:
إرسال تعليق