الشرفة ،،،، بقلم الشاعر/سمير بحر

الشرفة
*****
كنت اقف على الشرفة
دايما أفكر
على الضاع منا سنين
فى عتاب ولوم من غير حنين
كنت عارفة حبى ليكى
فى حياتى شئ مقدر
عطر فايح فى حنايا مهما انكر
دانتي دنيا عشت فيها بطعم سكر
وطول غيابك عنى دمى عكر
ماحسبتوس فى سنينى ولاقلبى ذكر
وفجأة جيتى من بعيد من غير ميعاد
قلت الومك على فات ولا السهاد
لقيتك مليانة شوق مليانة لهفة
ده اعتذار على اللى ضاع
ولا جيتى صدفة
ومهما كان الجواب .......؟
يا هلا بهواكى انا كلى لهفة
ليكى دلالك ما انتى شايفة
وليكى مكانتك فى احلى غرفة
جوه القلب عايشه ما انتى عارفة
مفتوح لك دايما فى قلبى
اغلى شرفة
****&****
سمير بحر
****&****