القُـــــــــــدْسْ
يَلاَّ نْفُوتْ يَلاَّ نْفُوتْ
يَا نْحَرِّرْهَا يَا إِمَّا نْمُوتْ
القُدْسْ بْتِصْرَخْ مَغْصُوبَة
يَلاَّ نْفُوتْ يَلاَّ نْفُوتْ
لاَ يَنْفَعْ فِيهَا التَنْدِيدْ
وْلاَ دَعْوَة مِنْ بَرْ بْعِيدْ
الصُ هْيُ ونِي مْڤَدِّمْ وِيزِيدْ
وِالشَعْبْ العَرْبِي مَبْهُوتْ
يَلاَّ نْفُوتْ يَلاَّ نْفُوتْ
نِتْحَدَّى كُلْ الحُكَّامْ
وْنُلْغِي إِتِّفَاقْ الأفْلاَمْ
نْفِيقْ وْنَصْحَى مِالأَوْهَامْ
وُنْسَقِّطْهَا أَوْرَاقْ التُوتْ
يَلاَّ نْفُوتْ يَلاَّ نْفُوتْ
عَارْ عْلِينَا وْمَا يِرْضِينَا
نْسَلِّمْ فِي مَسْرَى نَبِينَا
وُالعِ بْرِي اللِّي شَامِتْ فِينَا
يْڤَتِّلْ وِيهَدِّمْ لِبْيُوتْ
يَلاَّ نْفُوتْ يَلاَّ نْفُوتْ
وَاللهِ مَا نْسَلِّمْ فِيهَا
وْبِالدَمْ الغَالِي نِفْدِيهَا
يُومْ النَصْرْ ڤْرِيبْ يْجِيهَا
وَعْدْ الحَيْ اللِّي مَا يْمُوتْ
يَلاَّ نْفُوتْ يَلاَّ نْفُوتْ
يَا نْحَرِّرْهَا يَا إِمَّا نْمُوتْ
فتحي بالسعيدي / تونس
