بس طال الطريق
بكرة يكون عدى على
غيابك عشرة عجاف
لسه يا أبويا مستني
بعدك دموعي هاجراني
و عيوني جاءها جفاف
لسه عيني ع الطريق
لسه يا أبويا مستني
قلبك الحلو البريء
تيجي عكتافك تشلني
تزرع الورد ف غيطاني
ترجع لقلبي البريق
بس ما رجعتش يا أبويا
و الربيع زي الشتاء
حر برد بس محتاج الدفى
إنت عارف يا أبويا
إني بطلت الشّقاوة
بس يا أبويا مستنّي
المساء حتة حلاوة
بس طال الطريق
لسه في عيوني ملامحك
كأني لسه يا أبويا لمحك
سبتني بس مسامحك
كل عتبي ع الطريق
أصله طال الطريق
لسه صوتك و إنت تناديني
نسمة حلوة تصحّي حنيني
مستنّي يا أبويا تجيني
لسه عيني ع الطريق
عبدالله جدّي
ليست هناك تعليقات:
إرسال تعليق