(حلمي المستحيل)
**************
بحلم أعيش ف الماضي إلي فات
نفسي أعيد نفس الذكريات
بحلم أشوف ناسي بتوع زمان
بحلم أعيش نفس الإحساس
إلي حسيته ف وسط أجمل ناس
إحساس البهجة والفرح والسرور
بالحب إلي كان ف القلوب مبدور
بحلم أنادي ع الماضي ف توقيت
يرد عليا ويقولي أنا أهو جيت
بحلم أعيش نفس الماضي
ببالي إلي كان فيه رايق وفاضي
نفسي عشان أشوف تاني ضحكتي
ومع صوت صداها تجف دمعتي
بحلم أعيش الماضي هوة هوة
وترجع السعادة في قلبي من جوة
نفسي أعيشه بكل حذافيره
نفسي أستنشق نفس عبيره
نفسي وبحلم وكتير بتمنى
أعيش تاني ف نفس الجنة
الجنة إلي عرفت فيها السعادة
واحلوت فيها حياتي وبزيادة
نفسي ونفسي في حاجات كتيرة
نفسي تبعد عني الحيرة
وزي زمان أشعر بالراحة
وأكمل الباقي من عمري مرتاحة
بحلم يعود الماضي الجميل
بحلم وأنا عارفة إن ده مستحيل
يا ريت يا عقلي من فضلك ولو ممكن
تحلم يا عقلي على قد الممكن
حنان الجوجرى
دمياط الجديدة
ليست هناك تعليقات:
إرسال تعليق