(سارق الحى الشهير)
ا____________________
أخذ يتفحصه مليا...وعليه أمارات الدهشة...إنى أعرفه جيدا...حسن الأعور..اللص الشهير...ليس هناك بيت فى الحى إلا وقد أخذ منه شيئا ذا بال ...ماله..يبكى أمام المقام
...شلاه يا طاهرة... .بركاتك يا ست ..يا دين النبي...يا قوة الله...
تلاقيها حكاية جديدة...من حكاويه...علشان يسرق جيب حد ...من اللي بيجوا المقام
لينتبه على صوت اللص الباكى
مالك ... تكونش شفت عفريت...هو حرام ..أصلى ركعتين...وأدعى...يعنى هو هيقفل بابه زيكم..فى وشي...
إنت فاكرنى مش خايف منه...والنبي بخاف أكتر منكم.. ...ده انى حتى اكتر واحد عارفه...انتوا اللي متعرفوش ربنا. .
أنا ياما دورت على لقمة العيش بالحلال..لكن الناس بتخاف من شكلى..وهى ديه خلقتى؟!...أنى لفيت يا ما وحفيت عشان العيش الحاف...بس انتوا عالم ظلمة...
كنت أبات ليالى..ميدخلش اوضتى زاد...عاوزنى كنت أعمل ايه...مكنش قدامى غير انى أخطف اللقمة اللي ملقتهاش
ربنا هيحاسبكم... أنى راجل غلبان...
زمان الناس كانت تخاف منى على عيالها....وتقول بيخوفهم.. النهارده خايفين على جيوبهم...
أوعى سيبنى...ادعيه..ينجينى منكم...ويتوب عليا... أنى يا رب عايز لقمة حلال..تعبت من الجرى زى كلاب الشوارع...
أنى عمرى ما اطمنت...زمان كنت خايف أموت من الجوع..والنهارده أنى خايف من الموت...أموت وأنى بسرق...
انت فاكر الحرامية دول ايه..حجر...دول أكتر ناس بتدعى بالستر...ليضحك المعلم حموده ملء شدقيه..سا ايه...ستر..هيييه...
بتفكرنى بالرقاصة اللي راحة تصلى الفجر
إيوة يا اخويا اضحك براحتك...اشمعنى ديه اللي ركزت فيها...ما أنى عمال أهاتى من الصبح
أقلها...شغلنى عندك في القهوة
_ليضطرب المعلم حمودة..قق...قهوة...لا بقولك إيه يا اخويا...أنت جاى تتوب عندى..خليك...ياكش تروح شيكاغو..قال قهوة قال... إنت عايز تطفش الزبائن...ليستدير خارجاً موله ظهره..
فيسقط حسن الأعور فى يأس أمام المقام...والنبي أنت حنين...ما هتعذبنى
***ا***
تمت
ولاء الدسوقى
ليست هناك تعليقات:
إرسال تعليق