أخذها وراح
مين قولكم أخذها وراح وفتح بقلبي جراح
قولكم أخذها عتم الليل لبعيد وحدو وراح
ومين بعدك بيصبّحني وع مين برد الصباح
معقول أخذها الموت وحمّلها لطير ع جناح
وعدها الليل تعيش جنة الحب يومين مناح
ويلي أخذ روحها ترك جسمها بالتراب يرتاح
يا ليل يا موت ياريح خذوا من قلبي الجراح
مين منكم أخذها وسكّر عقلبي بلا مفتاح
يا ليل يا ريح الحب بيسكن بوردكم الفوّاح
يخرج منكم عطر الورد تيصير بحالة إنشراح
الحب من دون اللي أخذها الريح يبقى زياح
زياح على ورق مرسومي لحبيب تركها وراح
الشاعر سمير شيّا
شو عم تعملي
سألتها شو عم تعملي الوقت متأخر
قالت عندي مدرسة وللدرس بتحضّر
وع دفتر التحضير كتبت إسمك بأحمر
أمس قلت إسمك سمير وبعدني بتذكر
وبقلها لتّحضير يا ريتني كتاب أو دفتر
وراقو بيض مسطّرا وغلفتو لونها أخضر
وقلمك ع خطوطو بيتمايل وبيتمخطر
دفترك بظل مفتوح كل العمر ما بيتسكر
منّك قبالي وبتخايل جمالك الله وأكبر
ولونّك قبالي لإكتب قصيدة بياتها أكثر
إنت يا نبيذ بكاس شفافي بلمسها بتسكر
يا ريتني بشراينك دم عالقلب بيفوت وبيظهر
وأكثر وأكثر يا ريتني شريان قلبك الأبهر
يا ريتني بين الأنامل قلم وجبر القلم أحمر
أو طفل عصدرك حليب إم بيرضع تيكبر
وأول كلمة بنطقها بقول بحبك آلله وأكبر
الشاعر سمير شيّأ .
ليست هناك تعليقات:
إرسال تعليق