ليه بتلومني
بقلمي محمد عبد العزيز رمضان
ليه بتلومني وتلوم قلبي
إيه كان ذنبي إن أنا حبيتك
أيوه حقيقي مش راح أخبي
ألف خسارة عليك يا حبيبي
بتقول عني فرقت نسيتك
ليه بتلومني وتقول خاين
خنت عهودك بس كفايه
آه لو تعرف حبك عندي
آه لو تعرف إيه جوايا
اسأل روحك اسأل قلبك
مهما تغيب دايماً ويايا
لا مش ممكن أرضى بظلمك
نفسي ألقاك موجود ومعايا
نرجع تاني نلاقي طريقنا
نرسم حلم ونحكي حكاية
إننا عشنا لبعض كتبنا
قصه جميله ومالها نهاية
ليه بتلومني رغم بعادك
رغم فراقك مش هنساك
هفضل جنبك مهما هتعمل
أو هتقول دايب في هواك
بكرا هتندم ع اللي عملته
أ وعى تفكر هترجاك
ليه بتلومني ما تلوم نفسك
إنك عني بعدت بعيد
بعدك موت فرحة قلبي
وجرحني والجرح شديد
وفر دمع العين وانساني
مهما هتبكي بإيه هيفيد
انت حقيقي طلعت أناني
توعدني وتخلف مواعيد
أنا قررت أبعد يا حبيبي
نسيانك مش صعب أكيد
ليست هناك تعليقات:
إرسال تعليق