.............. نهر حنانك ............
سقتيني الحب طرح ع أغصانك
وحروفك تقشتها جوايا
ومشاعر عشق بتتعايق بفستانك
زهوري شبعت من نهر حنانك
وبتحب تشووفك معايا
نورت وكبرت في بستانك
وبتعزف اسمك ع ندايا
شربتينى من نهل احضانك
ورعرعتى ف حضن هوايا
ورويتي قلبي من شريانك
عرشه فى قلبك وضلايه
وأزهاري بتنطق من الوانك
و ليها معاكى احلى حكايه
وشروق الشمس من كيانك
اللى انوارها فى كل الزوايا
حرووف اسمى على لسانك
وعطر اسمك بيهون شقايا
وايه اكون من غير وجدانك
وحبك في عز اهاتي دوايا
........................................
....... د. حسن الشوان ...........
ليست هناك تعليقات:
إرسال تعليق