نَهْر الحَنَان
ــــــــــــــــــــــــــــــــــــــــــــــــ
أجِيب مِن اين لِيكِي كَلاَم
وِانْتِي أغْلَى مِ الحُرُوف
وِانْتِي أغْلَى مِ الكَلاَم
دَه انْتِي نَهْر مِن الحَنَان
وَيَّاكِي عُمْرِي مَا احِس خُوف
وَيَّاكِي عَايِش في الأمَان
وَيَّاكِي عُمْرِي مَا شُفْت هَم
اِنْتِي اللي نَبْضِك فِي وَرِيدِي
وِفي الشِّرْيَان حُبِّك يطُوف
نَهْر الحَنَان لاَمْسُه بِإيدِي
مَهْمَا مَرِّيتِي بظُرُوف
لَو تِضْغَط الدُّنْيَا عَلِيكِي
الرَّحْمَه مِنِّك رَاح تفِيض
وِبْتِغْزِل الضِّحْكَه إيدِيكِي
اِنْتِي لِلدُّنْيَادِي عِيد
تَحْت أقدَامِك دِي جَنَّه
وِفُوق جَبِينِك الوُرُود
اِحْنَا مِنِّك وِانْتِي مِنَّا
وِانْتِي أغْلَى مِ الوُجُود
أجِيب مِن اين لِيكِي كَلاَم
وِانْتِي أغْلَى مِ الحُرُوف
وِانْتِي أغْلَى مِ الكَلاَم
اِنْتِي في الدُّنْيَادِي أُم
ــــــــــــــــــــــــــــــــــــــــــــــــ
كلمات الشاعر أحمد شاهين
------ مصر -- أسيوط ------
ليست هناك تعليقات:
إرسال تعليق