توت توت
توت توت جانا الحاوي بالنبوت
مسك البيضه قال فى البيضه
كام كتكوت ؟
مسك الحاوي النبوت
مات ألفين وتلاته كتكوت
خاف الناس لاموا ولادهم
خشم بيوتهم
ما فى الشارع ولا كتكوت
فهموا الدرس ولاد الإيه
رجع الحاوي باشا وبيه
بس الحاوي مش مبسوط
خايف بكره
الكتاكيت تكبر تبقى ديوك
تدن تاني فى الميدان
لازم الحاوي يمشي الأن
قام الحاوي من ألاعيبه
حط شوية رز فى إيده
طلعت كتاكيت المساكين
مسك الحاوي السكين
دبح الحاوي ألف إتنين
خطف الحاوي باقى الكتاكيت
حبه فى سجن وحبه عبيد
طلع الحاوي بلعبه جديده
قال يا غلابه هما ديابه
خطفوا ولادكم
أنا ح أحكمكم
بس إدوني الإذن أبدهم
ناس فى بلدنا مش فاهمين
طلعوا يقولوا للحاوي أمين
قعد الحاوي على كرسيه
قال لجنوده كده فاهمين
كل اللى ح يقتل كتكوت
مش ح نحاسبه على المشاريب
شعر
على أبو السعود
ليست هناك تعليقات:
إرسال تعليق