......... شجر الأمانى .........
عاملة نفسك مش عارفاني
وانا حبيت النساء عشانك
من غير ماتقولي فايتاني
إنتي رجعتيني أحب تاني
وعشقتك كمان في أحزانك
وزرعتي جوايا شجر الأماني
وخلتيني أحب حتى فستانك
ورويتي بنهرك ورد بستاني
اللي فتحت على أغصانك
ليه ترجعيني أتألم من حرماني
ليه تبعدي وتدوقيني حرمانك
من بعد ما رجعتي ليا الاماني
تقطفي كل وردي من بستانك
والقا الحزن يستعمر كياني
لما تحذفيني كمان من زمانك
كنت تسيبيني عايش وحداني
ولا تعشميني أعيش ف أمانك
ولا إنتي جايه عليا وقصداني
ولا قلبك ضحك عليكي وخانك
........................................
........ حسن الشوان .........
ليست هناك تعليقات:
إرسال تعليق