(سلطان زمانى )
عايش سلطان زمانى
ولا بحد شاغل بالى
المكتوب هتشوفه
خلى مزاجك عالى
لا باصص لحد غيرى
علشان مرتاح ضميرى
لكل واحد رزقه
والمكتوب هيجلى
وهى دى السعادة
ما هو الرضا عباده
متعكرش مزاجك
وحب الخير للناس
ربك مقسمها
وهو ده الأساس
ناس رزقها صحة
مش مال ولا ماس
وناس رزقها
محبة من كل الناس
هتاخد من القيراط
تمام اربع وعشرين
صدقنى مش ناقصين
عيش يا صاحبى لحالك
ومتشغلش بالك
برزق ناس تانين
ومنى أحلى تحيه
لكل المتابعين
بقلمى محمد الخولى
21/6/2026
ليست هناك تعليقات:
إرسال تعليق