قاعدة لحالي ..
لملم وراق السنين
ورقة فيها دمعة
وورقة فيها ابتسامة
وآخر ورقة فيها حرقة
وكلها مرسومة عوجهي
ورجعت الاوراق القديمة
فيها وردة جورية
من عمر العشرين
ناداني عمري وصحيت
لقيت حالي بحاكي مرايتي
انا ابنة العشرين
معرش عصدري الياسمين
وبلا وعي صرت اصرخ
وينك يا سنيني
الفرحانة
والحزينة
آااه يا عمر الستين
قطفت من خدودي الجوري والرياحين
انا وردة ما بعرف الذبول
انا… أنا من جبل الياسمين
فاطمة غنيجة
ليست هناك تعليقات:
إرسال تعليق