(( ألبوم صور ))
يَلّي فاتحه درعاتك
للغريب
وملايين من البشر
نفسي مره
ترضي عني
وتديني
هديه من القدر
كل اللي جه
في أرضك عايش
وأنا اللي فيكِ
تعبان من الصِغَرْ
يَلّي إسمك
محفور في قلبي
حتىٰ إسألي
كل الشوارع
والحارات
وألبوم الصور
هو عشان
معنديش شهاده
يبقىٰ اموت
كل يوم إباده
نفسي يوم
أحس بسعاده
وابقىٰ واحد
من البشر
مش شرط اكون
من اللي طلعلوا
علىٰ القمر
او حتىٰ عالم
ونال جوايز
زي المطر
او رجل أعمال
لف الكون كله
وتعب من السفر
او لعيب كوره
مع كل جون
ياخد فلوس
واحنا نموت
من القهر
او اكون مُغني
او ممثل
وبتاع مهرجانات
مشهور
له معجبين
زي ورق الشجر
والله إسمك
محفور في قلبي
حتىٰ إسألي
كل الشوارع
والحارات
وكل صوره
تحكي عني
وعن الذكريات
في ألبوم صور
الفيلســــوف العاشــــق
حســـــن هاشــــــم
5 اغسطس 2021
ليست هناك تعليقات:
إرسال تعليق