ما قالته العصفوره للقموره
قطفتلك وردات خمريه
فتح نوار الريحان بالدبيه
يامحلى زهر رمانا بميرميه
وفرفحن النعنعات عجناب الميه
فاح عطر النرجس المزروع بالسطليه
من شباك البيت طلت علينا حلوه صبيه
تنسمنا نسيم الوادي صارت الدنيا علينا بهيه
يا فرح الليل لا تنسانا شتي من نداك علينا شويه
عشقنا السهرات الحلوه وعشقنا ومضات النور الصباحيه
بتكبر الاحلام بتصير احلى سواليفها معنا مع الغيمات حقيقيه
زرعنا ربوع وطنا قمحات طينا البيت بزوزقه ليدفينا بالشتويه
لعبوا الاولاد بسيلات الوادي يحليهم النميص تزهي الهم البريه
انا عبواب حروف اتحنجلت بنقشاتي تغنيت بغنية عشق ورديه
زارونا ضيوفنا من بلاد بعيده لاقيناهم بترحاب وزينا الصينيه
فرشنا حوش الدار حليت الهم الزفه ويا مرحبا بضيوفنا يخيه
حطينا دلال القهوه عموقدتها شعلت نارها تضوي شوي شويه
يا طيب ريحة حطبنا من الزيتون يخاجلها بخور من القرميه
يتراكض فارسنا بالحومات عطراد الخيل ايده عزناد البندقيه
زفة عروس كنها تعليلتنا يوم نتلاقى بسهرات ليالي الصيفيفه
بالف عام نبني سياج البيت وبلادنا من الاعادي دومها محميه
قالوا من وين طلعت زفتكم قلت من بلادنا الحلوه العجلونيه
يتضاحكن خيولنا بعرايسهن وسط الساحات والدبكات اردنيه
يلعلع بارودنا بدوزنه تصهل خيلنا يفرح جمعنا بعرس النشميه
فيلسوف الأدب المعاصر
عيسى نجيب حداد
رحلة العمر
ليست هناك تعليقات:
إرسال تعليق