قصيدتى ع اخر نفس
على اخر نفس الحياه مستمره
الوقت مختلف عن كل الظروف
الشجرة واقفه بتستقبل المطرة
ولا تعبت ولا ملت من الوقوف
فروعها مفرووشه واخده دايره
والريح بتلعب بيها شتا وخريف
على آخر نفس مفيش اى خبره
ومين راح ورجع وقدم كشوف
الوجع عنوان مالوش رقم ونمره
ولا له شارع مخصوص ورصيف
خداع لا يصون معامله ولا عشرة
ويوجع النفوس بالغدر والتزييف
والحياه مكتوبه عالحلوة والمره
وكلنا عايشين ع الأرض ضيوف
الظالم ظالم والمظلوم ف حسرة
والكتاب فيه الارقام والحرووف
والشمس مبتنامش فى كل دورة
وف كل الطبيعه متعرفش الخوف
وسط الاعاصير والرياح والعفرة
والفيضانات والكووارث بتشوف
وما بين الموت والنوم هى شعره
خارج نطاق دقة الفهم والمعروف
د/ حسن الشوان / مصر
ليست هناك تعليقات:
إرسال تعليق