قصيدتى الدنيا غدارة
فى أول الشارع فرح وذفاف
واخر الشارع احزان ودموع
وغالى متشال على الكتاف
وفى الموقفين فراق ودموع
هكذا الدنيا متعرفش الإنصاف
هكذا الدنيا فاقت حد الأوصاف
لا هى شجرة توت ولا صفصاف
ولا تفرق بين اللهو والخشوع
ولا تراعى الخاطر ولا الاصول
ولا الصدمه ومشاعر الحزين
ولا تقلبات الوقت مع الفصول
و دفتر الغدر فيها على كل لون
كلها مفاجأت خاليه من الأمان
الدنيا المتغطى بيها نايم عريان
جمالها غشاش متلخبط بالألوان
الرخيص مسموح والغالى ممنوع
قالوا عليها زمان كدابه وقلابه
حيرت القلم فى حروف الكتابه
تنور وتطفى لا بنظام ولا رقابه
لا تعرف تشترى ولكن تعرف تبيع
فى أول الشارع زينه وكهارب
وعناقيد ملونه بتلفت الأنظار
وف آخر الشارع بارضوا كهارب
وعواميد متعلق عليها انوار
الدنيا غدارة واللى يثق فيها يضيع
د/ حسن الشوان/ مصر
ليست هناك تعليقات:
إرسال تعليق