قصيدتى عمرى منساه
كان نفسى البس أبويا الجذمه
واقعد أأكله على السرير
مخلنيش يوم أعيش فى أزمه
وكبرنى على العزه أمير
يوم رحيله كان مفاجأة وصدمه
وانا كنت لسه عيل صغير
شيلت الشيله ذى ما علمنى الهمه
وعشان اثبتله انى كبير
من صغرى علمنى الأبوة
وشربت منه نصايح كتير
كان شامخ فى كل كبوة
واقف صامد بعزه ونخوه
و هيبه وثبات بكل القوه
ويكره الظلم الغاشم والغرور
كان نفسى اتصور معاه
واقف جنبه فى حماه
طبعا فاكره وعمرى منساه
ايامه معايا جميلة وحلوه
وكان ليا طاقه امل ونور
وسند لضهرى وعزم وعزوة
الرجولة اصاله وعزه ووراثه
ودين وتربيه وطيبه وأخلاق
بصماته جووايا فى الكراسه
وكان حكيم ف الفعل بكياسه
وهبه الله الحكمه والفراسه
وفى نطق الحق كان عملاق
د/ حسن الشوان/ مصر
ليست هناك تعليقات:
إرسال تعليق