مطره
مالمطرة والقوة لربي
الشجره طاحت في الواد
كلخزره الي تشكي لربي
من الضيم وقهرة لعباد...
يا حليلو الي عقوبة ربي
يغني على زينة لبلاد ........
@
لفلوكة تعوم وتتخبط
في بحرنا والموج امتار
قاعد نخزرله كي يشابط
قدامي في اعرص الدار
يا ويل الي كان مخبي
قمحاته بعد لحصاد
يا ناري كي شقايا وتعبي
ضيعته ليوم الميعاد.....
@
الوحلة كي صدم علينا
وأنا ما نعرفش نعوم
خفنا شدينا في ايدينا
وكبير العيله مصدوم
خاطرني عاقل متربي
منقولش تو هذي بلاد..
و الشدة باقي في ربي
وصغيري في لحافه شاد...
@
الميه تضرب عالحيط
تعفس تزلق تغرق فيها
والحفرة قدام البيت
كالوادي الي داير بيها
مدولي كيسان نسربي
للجار الي مالابعاد
ويا عيني كالغيمه صبي
ما زالو لبرة لولاد......
@
نهارين وحلنا في الابرة
ولا غرزه جات حذا غرزه
و لا نصبوا حرس ولاعسه
و لا واحد في يده مسحه
يمد أيده لبنت الأجواد
ينجيها من هاكٕ الغصره
ولا يشمت عين الحساد .......
@
بحروفي ننفض فالغبره
و الكرسي واحل في الطين
وماصاب السكنى في دشره
نطل على جبل بوقرنين
من دايا بالكش نبرى
و نعيشو الغربة لاثنين
ماتت لحنينه يا حسره
و الهم الي فينا زاد....
يا مُهره سموك الخضراء
نار الي في القلب رماد.......!
...
ليلى_السليطي
ليست هناك تعليقات:
إرسال تعليق