. صحوة
آه يازمن كل ماقربت للحظ خطوة
يسبقني فال النحس أميال يبعدها
هالخد ياماتعود على لطمات الأسى
أمل مافي الدنيا تجافيني بقساوتها
دجى الليل مد النوايب منه ماتنعد
أما لحظات الهنا بلمح البصر تعدها
قالوا تزوج بنت حلال بيرتاح البال
بتأسس أسرة وعيال وينولك بختها
ماحكيوا عن النكد والعذاب لو تحرد
بدها حلم تا ترضى و الأنا ملازمتها
منّانة في رشق اللسان بتوعد وتهدد
تسمع غريب الكلام والكذبة بتبهرها
حاولت أصبر وأسبح مع التيار عاثر
كسرت مجاديفي فالة الشوم وعنّدها
راح المال والآمال مابدلت الحال
من القهر والنق عفت الدنيا ومقتها
دمي يغلي ارتفع الضغط فارقت
سلمت الروح للي خلقها رديتها
ساعتها هلت عين الصبية بدمعتها
تبكي وتشكي وتقول ل اختها
ياحرام مسكين بعدو شب صغير
راح ومن قهري ماحسبت لوقتها
المشيول على الراحات بالتابوت
الحزن مقيت والجنازة وهيبتها
ملاك الموت صحاه للحظة
يخفف عن صدره ضيقة كاتمها
تايصرخ بعالي الصوت خليني
الأنفاس عافتك وطلبت راحتها
يا من تقرأ حروفي وتشوف حالك
القصة من خيالي الفتها وسردتها
..غانم ع الخوري..
ليست هناك تعليقات:
إرسال تعليق